روند دو روزهٔ اخذ امتحان دور دوم کانکور با اشتراک بیش از ۱۵۰۰ تن در پوهنتون جوزجان موفقانه به پایان رسید
روند دو روزهٔ اخذ امتحان دور دوم کانکور سال ۱۴۰۵، امروز (جمعه، ۱ جوزا) با حضور گستردهٔ داوطلبان در پوهنتون جوزجان به پایان رسید. این روند با اشتراک بیش از ۱۵۰۰ تن از داوطلبان در حوزهٔ این ولایت، در جریان دو روز برگزار شد.
صندوق سؤالات امتحان در دومین روز این پروسه نیز با حضور هیأت رهبری پوهنتون جوزجان، هیأت تخنیکی ادارهٔ عمومی امتحانات و داوطلبان باز شد.
این در حالیاست که از مجموع بیش از ۱۷۰۰ داوطلبی که برگههای شمولیت در این روند را در حوزهٔ ولایت جوزجان اخذ کرده بودند، بیش از ۱۵۰۰ تن آنان در امتحانات سال جاری اشتراک کردند.
گفتنی است که برگزاری امتحان کانکور سال جاری با همکاری کامل میان هیأت رهبری و منسوبین پوهنتون جوزجان، هیأت تخنیکی ادارهٔ عمومی امتحانات، همچنین با حضور نیروهای امنیتی ریاست استخبارات و تیم صحی ریاست صحت عامه ولایت جوزجان، بهگونهٔ شفاف و عادلانه برگزار گردید.
تاریخ: جمعه
۵ ذوالحجه ۱۴۴۷ هـ.ق
۱ جوزا ۱۴۰۵ هـ.ش
۲۲ می ۲۰۲۶ م
مدیریت عمومی نشرات، روابط و آگاهی عامه
