د جوزجان پوهنتون

10 میاشتې ۱ اونی ago

بسم الله الرحمن الرحیم

يَرْفَعِ اللَّهُ الَّذِينَ آمَنُوا مِنْكُمْ وَالَّذِينَ أُوتُوا الْعِلْمَ دَرَجَاتٍ وَاللَّهُ بِمَا تَعْمَلُونَ خَبِيرٌ (مجادله، آیه 11)صدق الله العلی العظیم

السلام علیکم ورحمت الله وبرکاته!

خوښ یم، چې تاسو ته جوزجان پوهنتون کې ښه راغلاست وایم. دغه تحصیلي بنسټ د هېواد او سیمې له مخکښو اکاډمیکو بنسټونو څخه دی، چې د یو پوه نسل په روزنه کې چې د هېواد په اقتصادي بدلون او پرمختګ کې مهم رول لوبولی شي، ژمن دی،  کار کوي او تل به په کوټلو ګامونو سره خپلې دې لارې ته دوام ورکوي، ځکه چې پوه نسلونه د علم او پوهې د بیرغونو څراغونه روښانه ساتلی شي او الله تعالی(ج) هم په خپل سپېڅلي کلام کې د علم خاوندانو ته د سترو درجو زیری ورکړی دی.

زه پوره باور لرم، چې د لا ډېرو ګډو هڅو او رښتینو کوښښونو په پایله کې به د ښوونې او روزنې او همدارنګه د علم او پوهې په خپرولو کې زموږ بااستعداده نسلونه به، له نوښتونو ډکې او سترې لاسته راوړنې ولري. نو د جوزجان پوهنتون مشرتابه د خپلو ټولو مسئولیتونو او واقعیتونو په درک کولو سره او د هېواد د ټولو قوانینو، اصولو او مقرراتو په نظر کې نیولو او د لوړو زده کړو وزارت د تعلیمي، تحصیلي او څیړنیزو پرمختیايي پروګرامونو په پلي کولو سره د سترو ملي او اسلامي لاسته راوړنو په موخه هراړخیزې هڅې نه سپموي او په دې برخه کې د تدریس د کیفیت ودې، د خدمتونو د پراختیا او پیاوړتیا او همدارنګه د تشکیلاتو، بنیادي پراختیا او په پوهنتون کې د ښو اسانتیاوو برابرولو لپاره ګټور او کوټلي ګامونه پورته کوي، د علم او پوهې له کاروان څخه د نه بېلېدو هڅې کوي، ترڅو د تعلیمي پروګرامونو او پراخو مخکښو علمي څېړنو له لارې د هېواد، سیمې او نړۍ په وده او پرمختګ باندې مثبت او ارزښتناکه اغېزه پرېباسي.

په درناوي