امتحان دوره‌های عالمیه، عالیه و خامسۀ علمای کرام در ولایت جوزجان

مورخ ۳۰ جدی ۱۴۰۲هـ‌ش مطابق ۸ جمادی الثانی ۱۴۴۵هـ‌ق محترم شیخ الحدیث مولوی صاحب ندا محمد ندیم وزیر تحصیلات عالی کشور در حالیکه محترم مفتی سید انوارالحق حبیبی رئیس عمومی پوهنتون جوزجان، رهبری ریاست معارف ولایت جوزجان، استادان، هیات ممتحن اعلی و هیأت ممتحن ولایتی جوزجان حضور داشتند از برگزاری امتحان علمای دوره های عالمیه، عالیه و خامسۀ علمای کرام که در سالن استادیوم ورزشی و مسجد جامع انقره شهر شبرغان آغاز گردیده است؛ نظارت بعمل آوردند. محترم شیخ الحدیث مولوی ندا محمد نديم وزیر تحصیلات عالی کشور ضمن صحبت با خبرنگاران؛ بر شفافیت و رعایت عدالت در امتحان تاکید نموده و به اشتراک کنندگان این آزمون آرزوی موفقیت نمود. محترم مفتی سید انوارالحق حبیبی رئیس عمومی پوهنتون در رابطه به امتحان معلومات ارائه نموده می‌گویند که اشتراک کنندگان بعد از سپری نمودن موفقانۀ این امتحان، اسناد به سویۀ های ماستر، لیسانس و 12 پاس را دریافت خواهند نمود تا بتوانند از مزایای آن بهره مند گردند. قرار است این امتحان به مدت ۵ روز برگزار گردد و در آن به تعداد ۱۸۰۰ تن از علمای کرام در ولایت جوزجان اشتراک خواهند نمود.